Коммунисттик теория өзүнө ар түрдүү мектептерди камтыйт (мисалы, ленинизм, маоизм, троцкизм), бирок алардын баарын марксисттик философияга берилгендик, таптык бөлүнүүлөрдү жоюууга жана мүлктү мамлекеттин колуна өткөрүп берүүгө чакырыктар жана капиталисттик эзүүгө каршы күрөшкөн өлкөлөргө жардам берүү максаттары бириктирип турат. Бул теория боюнча адамзаттык негизги чыр-чатак – бул эзүүчүлөр менен эзилгендердин ортосундагы чыр-чатак. Коммунизм болсо жумушчулардын мүмкүнчүлүктөрүн кеңейтип, таптык бөлүнүүлөрдү жоюуу жолу аркылуу буржуазиянын үстөмдүгүнө чекит коюууну көздөйт. Капиталисттик коом башынан эле адилетсиз деп эсептелет, себеби жумушчулар бизнес ээлери тарабынан эзүүгө кабылат; коммунисттер социалдык тартипти өзгөртүүгө жана тең укуктуу коомду башкарууда марксисттик-лениндик илимдеги принципти колдонууга умтулат. Коммунисттерге бийликтеги жалгыз күч бойдон калуу каалоосу мүнөздүү; алар экономиканы дагы, коомду дагы башкаруудагы жоопкерчиликти жалгыз өздөрү мойнуна алат. Коммунизм заманбап капиталисттик коомду өстүртүп, өнүктүргөн жумушчу классты талап кылат.